Lou Nid

Escatilhs nabèts

Tout soulet aquet cop, que goardàbi las yègues
Debat dous castagnès. Qu'entenouy "tit", "tit", "tit",
E prou lèu que troubèy, estuyat per las sègues,
Au hourquet d'û bruchou, nidau de rey-petit.
	P'ous de case sabi, p'ou reyent de l'escole,
Que nou cau pas touca dous ausèts la maysou.
Toutu, bam, si-m disi : Dehens ûe cuyole
Auta plâ que serén, e que-m harén cansou.
	D'aco qu'estéy tentat. La machante pensade
D'ana paupa, malur, qui la me dé? N'at sèy.
Més curious, que-n anèy chens pòu d'embrouquissade,
A puntetes, au nid, la manote e passèy.
	Quoate caps esberits! Que-t bouy, coade beroye, 
E maugrat lous pius-pius, esbourdants, desoulats,
Dou pay e de la may dounéts èren la yoye, 
You qu'ous m'en empourtèy ya que mieytat pelats.