IBÈR - Labaig-Langlade à Moumas

Oubrètes desbroumbades (Reclams 1929 N°3 - p.62


De brume amantoulat, l'ibèr malacarous,
à drins, qu'ey dabarat dous terrès ta la plane.
E lous boscs desbestits e lous casaus chens flous
que mesclen lou lou dòu au tristè de la lana!

Adichat de l'aymade auroungle las cansous,
adichat lous passéys de l'abelhe à la branz,
adichat lous prouseys dous ausèths aus bruchous,
dou barbòu de la prade adichat la tutane!

Qu'éy lou briou de la bite estangat; Qu'éy lou cèu
escurit: qu'éy lou yèu, la tourrade, la nèu,
qu'éy lou ret de la mourt, qu'éy la terre chans ame.